Элчин сайд Д.Ганбат “COP 23”-ын дагалдах хуралдаанд оролцов

ХБНГУ-ын Бонн хотноо энэ оны 11 дүгээр сарын 5-17-ны өдрүүдэд “Уур амьсгалын өөрчлөлтийн тухай НҮБ-ын суурь конвенцийн талуудын 23 дугаар бага хурал” болж байгаа билээ. Бага хурлын үеэр Монгол, Мьянмар, Папуа Шинэ Гвиней улсууд хамтран “Тогтвортой хөгжлийн зорилт болон уур амьсгалын өөрчлөлтийг сааруулахад ´REDD+´-ийн оруулах хувь нэмэр” сэдэвт дагалдах бага хурлыг зохион байгуулж байгаа бөгөөд Элчин сайд Д. Ганбат оролцож нээлтийн үг хэлэв.
дэлгэрэнгүй

Монгол Улсын Өргөмжит консулын 2017 оны ээлжит уулзалт боллоо

Монгол Улсын Өргөмжит консулуудын 2017 оны жилийн уулзалтыг энэ оны 11 дүгээр сарын 25-ны өдөр Хамбург хотноо зохион байгуулав.

Энэхүү уулзалтад Элчин сайд Д. Ганбат, Өргөмжит консул А. Питум /Dr. A. Pitum/, Д. Пфаил /D. Pfeil/, М. Раинберг /M. Reinberg/, Монгол Улсын Соёлын элч О. Оюунтуяа, С. Бадамхорол нар болон Элчин сайдын яамны дипломат ажилтнууд оролцов.
дэлгэрэнгүй

Элчин сайд Холбооны Засгийн газрын Хэвлэлийн төлөөлөгчтэй уулзав

Элчин сайд Д.Ганбат Холбооны Засгийн газрын Хэвлэл мэдээллийн албаны дарга, Төрийн нарийн бичгийн дарга бөгөөд Хэвлэлийн төлөөлөгч ноён Штефан Зайберттай 2017 оны 11 дүгээр сарын 3-ны өдөр уулзав.

Уулзалтын үеэр харилцаа, хамтын ажиллагааны талаар, тэр дундаа хоёр орны хэвлэл мэдээллийн албаны хамтын ажиллагааны асуудлаар ярилцаж, санал солилцов.
дэлгэрэнгүй

Монгол-Германы чуулган Берлин хотноо

Монгол-Германы XV дугаар чуулган “Ардчилал дахь хэвлэл, мэдээллийн үүрэг” сэдвийн дор Берлин хотноо энэ өдөр хуралдаж байна. Энэхүү арга хэмжээнд Монгол Улсын Ерөнхийлөгч асан П.Очирбат, Монгол Улсаас ХБНГУ-д суугаа Элчин сайд Д.Ганбат, УИХ-ын гишүүн Л.Болд, Бундестагийн гишүүн М.Грунд болон албаны бусад хүмүүс оролцож байна.

Конрад-Аденаурын сан Монгол-Германы чуулгантай хамтран ийнхүү 15 дахь удаагаа арга хэмжээ зохион байгуулж байгаа аж.
дэлгэрэнгүй

Элчин сайд Д.Ганбат Дипломат корпусын ахлагчид бараалхав

Элчин сайд Д.Ганбат Гэгээн Ширээт Улсын Нунц бөгөөд Берлин хот дахь Дипломат корпусын дуайэн, хамба лам, др. Никола Этеровичэд өнөөдөр бараалхаж, энэ үеэр Дипломат корпусын үйл ажиллагаа, хоёр талын харилцаа, хамтын ажиллагааны асуудлаар ярилцаж, санал солилцов.
дэлгэрэнгүй

Д.Жаргалсайхан чөлөөт ярилцлага хийнэ

"De Facto" нэвтрүүлэг хөтлөгч, эдийн засагч, сэтгүүлч Д.Жаргалсайхан 2017 оны 11 дүгээр сарын 13-ны өдөр Берлин хотноо ХБНГУ-д суугаа монголчуудтайгаа уулзалт, чөлөөт ярилцлага хийнэ. Уулзалт, ярилцлагыг Монгол-Германы Эдийн засгийн клуб зохион байгуулна.
дэлгэрэнгүй

Элчин сайд Д.Ганбат ХБНГУ-ын Баваар муж улсад танилцах айлчлал хийв

Монгол Улсаас ХБНГУ-д суугаа Элчин сайд Д.Ганбат 2017 оны 12 дугаар сарын 06-наас 08-ны өдрүүдэд Баваар муж улсад танилцах айлчлал хийв.
дэлгэрэнгүй

Монголын төрийн бус байгууллага, холбоодын зохион байгуулж буй 2017/2018 оны ХБНГУ дахь монголчууд, монголчуудын найз нөхдийн шинэ жилийн цэнгүүнд Та бүхнийг урьж байна.

Монголын төрийн бус байгууллага, холбоодын зохион байгуулж буй 2017/2018 оны ХБНГУ дахь монголчууд, монголчуудын найз нөхдийн шинэ жилийн цэнгүүнд Та бүхнийг урьж байна.

Цэнгүүний зочид:
Айзам хамтлагийн дуучин Тамир
NB and SALLY Нэвтрүүлгийн хөтлөгч Нямбаяр

2017 оны 12 сарын 22-ны өдөр
19:00 Зочдоо оруулж эхлэнэ
20:00 Цэнгүүний нээлт

Хаяг: Violett saal berlin
Markgrafenstraße 67,
10969 Berlin
дэлгэрэнгүй

ХБНГУ-д амьдарч буй ахмад сагсчид Вроцлав хотноо

Монголын хөгжлийн бэрхшээлтэй, оюуны хомсдолтой хүүхдүүдэд хандив туслалцаа үзүүлэх зорилго бүхий “Хөх Толбо 2017” ахмад сагсан бөмбөгчдийн нөхөрсөг тэмцээн БНПУ-ын Вроцлав хотноо энэ оны 11 дүгээр сарын 18-19-нд зохиогдсон бөгөөд уг тэмцээнд Европод буй 9 орны 35 баг, тамирчид оролцов.

Берлин хотын “Цог Монгол спорт клуб” оролцож, эрэгтэй 45-49 ангилалд Алтан медаль, эмэгтэй 38-34, 45 дээш ангилалад хос хүрэл медаль, Берлин хотын “Монбер” баг 38-44 насны ангилалд Алтан медаль, 45-49 насны ангилалд Хүрэл медаль хүртсэн амжилтыг үзүүлсэн байна.
дэлгэрэнгүй

Элчин сайд Д.Ганбат Холбооны Хүнс, хөдөө аж ахуйн яаманд танилцах уулзалт хийв

Элчин сайд Д. Ганбат энэ оны 11 дүгээр сарын 27-ны өдөр Холбооны Хүнс, хөдөө аж ахуйн яамны ТНБД др. Херманн Онко Айкенстай танилцах уулзалт хийв. Элчин сайд Герман-Монголын хамтын ажиллагааны “Тогтвортой хөдөө аж ахуй” төсөл амжилттай хэрэгжиж байгааг дурдаад, 2018 онд хүнсний ногооны үр, сортын чанарыг дээшлүүлж, хөрс хамгаалал, эрсдэлийн менежментийн чиглэлээр олон ажил төлөвлөсөн байгааг товч танилцуулав. Дээрх ажлууд нь Монгол Улсын Засгийн газрын мөрийн хөтөлбөрт тусгагдсан үр тариа, төмс, гол нэрийн хүнсний ногоогоо 100 хувь дотоодын нөөцөөр хангах зорилгод ихээхэн чухал үүрэг гүйцэтгэх талаар мэдээлэв.
дэлгэрэнгүй

хуудас : «1 2 3 4 5 6 7 8 9 10 11 [12]