Ц.ГЭРЛЭЭД СОЁЛЫН ЭЛЧИЙН ГЭРЧИЛГЭЭ ГАРДУУЛАВ

Гадаад харилцааны сайд Д.Цогтбаатар Монгол Улсын Соёлын элчээр томилогдсон Ц.Гэрлээд Соёлын элчийн гэрчилгээг гардуулав.

Ц.Гэрлээ нь “Mongolian Step” соёл урлагийн агентлагыг Холбооны Бүгд Найрамдах Герман Улсад үүсгэн байгуулан ажиллаж байна. Энэхүү агентлаг нь монгол ардын уламжлалт соёл, урлагийг сурталчлах тэр дундаа ЮНЕСКО-д бүртгэгдсэн монголын соёлын биет бус өвийг Европын орнуудад сурталчлах, олон нийтэд таниулах чиглэлээр идэвхтэй үйл ажиллагаа явуулж байна.
дэлгэрэнгүй

Элчин сайд Д.Ганбат Бундестагийн гишүүн М.Грундтэй уулзав

Элчин сайд Д.Ганбат Бундестагийн гишүүн М.Грундтэй 2018 оны 1 дүгээр сарын 31-нд уулзаж, хоёр орны Парламент хоорондын хамтын ажиллагаа, харилцааны цаг үеийн асуудлаар ярилцаж, санал солилцов.
дэлгэрэнгүй

Элчин сайд Ханнс-Зайделийн сангийн удирдлагатай уулзав

Элчин сайд Д.Ганбат Ханнс-Зайделийн сангаас 2018 оны 2 сарын 6-нд зохион байгуулсан Шинэ оны хүлээн авалтын үеэр тус сангийн тэргүүн проф. хат. У.Меннле, мөн сангийн Ерөнхий нарийн бичгийн дарга др. П.Виттерауф нартай уулзаж, Монгол Улс дээрх сангийн хоорондын хамтын ажиллагааны асуудлаар ярилцав.
дэлгэрэнгүй

Берлиний Монгол гэр

Өнгөрсөн 1 дүгээр сарын 25-28-ны өдрүүдэд Берлин хотын Потсдамерплац талбай нэгэн өвөрмөц гоёлоор олны нүдийг хужирлав. Хол ойроос энэхүү хотод жуулчлагчдын заавал саатдаг газар болох Сони төвийн гадна өргөө цагаан монгол гэр байршуулсан нь зөвхөн берлинчүүд төдийгүй олон газрын хүмүүсийн сонирхлыг татсан үзмэр боллоо.

Монгол гэрт дөрвөн өдрийн турш хол ойрын зочид цуглан саатаж, монгол үндэстний сууцыг үзэж сонирхсон юм. Энэ үеэр гэрт тухалж, өөрсдийн зохиолоо уншиж танилцуулж байгаа зохиолчид ч байлаа. Үүнээс гадна хүүхэд залуучуудад зориулсан олон арга хэмжээ зохион байгуулсан байна.
дэлгэрэнгүй

Монгол Улсын Соёлын элчээр дуучин асан Вольфганг Хайхел томилогдлоо

Монгол Улсын Гадаад харилцааны сайд Д.Цогтбаатарын 2018 оны 1 дүгээр сарын 15-ны өдрийн тушаалаар дуучин В.Хайхел Монгол Улсын Соёлын элчээр томилогдов. Элчин сайд Д.Ганбат 2018 оны 2 дугаар сарын 7-ны өдөр тус ЭСЯ-ны ХБНГУ-ын төр, засгийн төлөөлөгчдөд зориулан зохион байгуулсан шинэ оны хүлээн авалтын үеэр Монгол Улсын Соёлын элчийн гэрчилгээг В.Хайхелд гардуулав.

Тухайн үеийн ХБНГУ-ын “Чингис Хаан” хамтлаг Израиль Улсад 1979 онд зохион байгуулагдсан “Eurovision” дуулаачдын уралдаанд “Чингис Хаан” дуугаараа амжилттай оролцсон байдаг. Энэхүү дуу нь Монгол Улсыг дэлхий дахинаа төдийгүй Барууны ертөнцөд сурталчлан таниулахад хувь нэмэр оруулсан юм. Монгол Улсын тулгар төр байгуулагдсаны 800 жилийн ойг 2006 онд тэмдэглэн өнгөрүүлэх үеэр дуучин В.Хайхел “Чингис Хаан” дуугаа монголчуудад хүргэв.
дэлгэрэнгүй

САР ШИНИЙН МЭНДЧИЛГЭЭ

ХБНГУ-д оршин сууж буй монгол иргэд, ахан дүүс ээ,

Билгийн тооллын XVII жарны тахиа жилийг үдэн, ирж буй “тийн унжлагат” хэмээх шар нохой жилээ угтах сар шинийн өдрүүд, цагаан сарын баяраа бид удахгүй тэмдэглэх гэж байна. Цагаан сэтгэлт монгол түмэн маань идээ будаагаа дээжлэн, ахас ихсээ хүндэтгэдэг энэ эрхэм сайхан уламжлалт баяраараа ураг төрлөөрөө цугларан ирмүүн өвлийн цагийг өнтэй давлаа хэмээн ирэх сайхан бүхнийг зөгнөн ярилцдаг билээ.

ХБНГУ-д ажиллаж амьдарч буй нийт иргэд, ахан дүүс та бүхэнд болон герман найз нөхөддөө Цагаан сарын баярын мэндчилгээ дэвшүүлье.

дэлгэрэнгүй

Элчин сайд Д.Ганбат ХЭЗХАХЯ-ны Азийн газрын дарга Г.Хаммершмидтийг хүлээн авч уулзав

Элчин сайд Д. Ганбат энэ оны 1 дүгээр сарын 31-ний өдөр Холбооны Эдийн засгийн хамтын ажиллагаа, хөгжлийн яамны Азийн газрын дарга хат. Гизела Хаммершмидтийг ЭСЯ-ны байранд хүлээн авч уулзав. Уулзалтад ЭСЯ-ны зөвлөх Ё. Баттөмөр, 1-р нбд Д. Мөнхбаатар, тус яамны монголыг хариуцсан хэлтсийн дарга хат. Өүллерс, мэргэжилтэн Дороти Швилл нар байлцав.

дэлгэрэнгүй

Монголын баг анх удаа Белгер тэмцээнд оролцов

Вилли Белгерын нэрэмжит 13 дах удаагийн заалны хөл бөмбөгийн тэмцээн 2018 оны 1 дүгээр сарын 20-ны өдөр Шөнефельд дүүргийн Гроссцийтен спортын цогцолборт зохион байгуулагдлаа.

Зохион байгуулагч Вилли Белгер тэмцээнийг нээж үг хэлэхдээ “Бид хөл бөмбөгийн түүхийг бичиж байна” гэсэн юм. Энэ удаагийн тэмцээний онцлог нь анх удаа Монголын хөл бөмбөгийн баг оролцож буй явдал юм.

Өнгөрсөн оны тэмцээнд монголчууд оролцох байсан боловч виз авахтай холбоотой бэрхшээл тулгарснаас оролцож чадаагүй аж. Харин В.Белгер тэднийг дахин урьснаар Улаанбаатар хотын Баянгол дүүргийн 4 дүгээр хорооны дарга Д.Дорждулам Төмөр замчдын хөл бөмбөгийн клубын найман гишүүнийхээ хамт тэмцээнд ирэх завшаан олджээ.
дэлгэрэнгүй

Монгол улс Европын Холбооны “татварын асуудлаар хамтран ажилладаггүй орнуудын жагсаалт”-аас гарлаа

Европын Холбооны гишүүн орнуудын Сангийн сайд нарын Зөвлөл 2018 оны 1 дүгээр сарын 23-ны өдөр Брюссель хотноо хуралдаж, “татварын асуудлаар хамтран ажилладаггүй орнуудын жагсаалтаас” Монгол Улсыг гаргахаар шийдвэрлэв. Тус Зөвлөл өмнө нь 2017 оны 12 дугаар сарын 5-ны өдөр хуралдаж уг жагсаалтаад бусад 16 орны хамт Монгол Улсыг оруулсан байсан бол Монгол Улсын Засгийн газар 2017 оны 12 дугаар сарын 20-ны өдрийн 350 дугаар тогтоолыг баталж татварын асуудлаарх сайн засаглалын зарчмуудыг хоёр жилийн хугацаанд хэрэгжүүлэх үүргийг хүлээсний үндсэн дээр тус жагсаалтаас гараад байна.
дэлгэрэнгүй

ХХААХҮ-ийн сайд Б.Батзориг “Ногоон долоо хоног” үзэсгэлэн яармаг, Хөдөө аж ахуйн сайд нарын дээд хэмжээний уулзалтад оролцов.

ХХААХҮ-ийн сайд Б.Батзориг “Ногоон долоо хоног” үзэсгэлэн яармаг, Хөдөө аж ахуйн сайд нарын дээд хэмжээний уулзалтад оролцов. Нийтдээ 70 орны салбар хариуцсан сайд, дэд сайд нар болон Олон улсын 4 байгууллага оролцсон энэхүү өндөр хэмжээний үйл ажиллагааны үеэр ХХААХҮ-ийн сайд Б.Батзоригийн хийсэн уулзалтуудын товч мэдээлэл.

НОГООН ДОЛОО ХОНОГ ҮЗЭСГЭЛЭН ЯАРМАГТ 100 МЯНГА ГАРУЙ ХӨДӨӨ АЖ АХУЙН БҮТЭЭГДЭХҮҮН ОРОЛЦОВ

ХҮНС, ХӨДӨӨ АЖ АХУЙ, ХӨНГӨН ҮЙЛДВЭРИЙН САЙД Б.БАТЗОРИГ БОЛГАР УЛСЫН ХӨДӨӨ АЖ АХУЙ, ХҮНС, ОЙН САЙД РУМЭН ПОРОЗАНОВТОЙ УУЛЗЛАА

НЭГДСЭН ҮНДЭСТНИЙ БАЙГУУЛЛАГЫН ХҮНС, ХӨДӨӨ АЖ АХУЙН БАЙГУУЛЛАГА МАЛЫН ЭРҮҮЛ МЭНДИЙГ ХАМГААЛАХ ЧИГЛЭЛД ХАМТРАН АЖИЛЛАНА
дэлгэрэнгүй